بزاف د الناس كيسولوا على كازا و كيبغيو اجيو واحنا منبغيوهمش اتقولبوا هده شي حاجة ديال المعلومات تنفعكم
- صحاب جديدة أزمور مع دخلة غتلقاو كلية القانون والحقوق.
- بلا ماتقول نمشي نخدم فكازا راها قودات عليها لا خدمة لا سكنة 😅
- صحاب برشيد سطات مديونة عتلقاو الزبالة (سدو نيوفكم الريحة شوية قاصحة)
- صحاب الرباط والمحمدية غتلقاو فالدخلة الوزين ديال السيمة ولياجور.
- الناس لي جاين من مراكش، غادي تبان ليكم في الدخلة العمارات بالزجاج، تما مجموعين الشركات الواعرين.
- ماتصورش حدا الحمام وقدام جامع الحسن التاني.
- إلى كنت جاي جديد ولابس مزيان بعد من درب سلطان سباتة سيدي عثمان حي مولاي رشيد حي لالة مريم، المسيرة، افريقيا...
- عول على الزحام والصداع وتلوث ومرة مرة تسمع الرب وتخسار الهضرة عادي 
- بغيتي تاكل الحوت طلع لمرسة ضرب مقيلة ولابغيتي الطون تلقاه عند الكزوم ولاعندك الفلوس سير لسناك هاي كلاس.
- إلى كنتي قاطع الشانطي متبعش سكان المدينة كيف كيقطعو (حنا كنقطعو جنب وشانطي كيبالينا كولو ممر الراجلين) .
- مادخلش لمدينة لقديمة لداخل.. ولا بغيتي الشوا سول على البلدية ولا بغتي الطاكوس سير لشارع القدس.
- واخا تشوف بنادم في جنب الطريق كيدير حركات غريبة، ما تعجبش، غير كايشيرو لطاكسي كبير على حسب الوجهة.
- بلا ماتحاول تشد الطاكسي الطرمواي ولا الطوبيس من بعد الستة.. حتى تيليفونك ماتجبدوش فالزنقة.
- عنداك تمشي تعوم فالبحر راك غطلع لداركم حفيان عريان 
- من البرنوصي لسيدي معروف خاصك ساعتين بالطوموبيل ونص نهار على رجليك.
- ماتحاولش تمشي للمعاريف بصورفيط وصندالة ولا جلابة ديال الفوطة.
- إلى كنتي مسافر فالتران للشمال ولا الجنوب سير "Casa Voyageur" ماشي "Casa Port".
- شارع محمد الخامس و لمارشي صونترال و محطة ولاد زيان بلاما تحاول تمشي ليهم فالليل غادي تندم.
- إلى طلع لك الدم مرة مرة ضرب دويرة فمروكومول و أنفا بلايص ولا شرب لك قهيوة في غاندي ولا الزرقطوني. 
- يطرا ل يطرا متجيش لأناسي مهم أنا نصحتك
- حنا في بوركون مكنقولوش (عشيري شي درهم الله حفظك 🐵) ولا (وي وي العمالة الرجولة) را غير فشي مناطق مشرملة ماشي كلشي. 
- إيلا كنتي مسخوط الواليدين وبغيتي تسهر سير لعين الذياب وحضي راسك ****
نصيحة لوجه الله... ماتجيوش لكازا راها عمرات